Sløkkiliðið var á skipasmiðjuni hjá Mest á Skála í alla nátt og eftirsløkti, eftir at eldur kom í timburgoymsluna um hálvgumseks tíðina í gjárkvøldið.
Vaktleiðarin á politistøðini sigur í morgun, at talan var um ein stóran eld, og at neyvan er nógv eftir av bygninginum, sum eisini verður nevndur bedingshúsið. Eingin fekk skaða, og løgreglan veit ikki um skaða aðrastaðni á skipasmiðjuni.
Klokkan 21.45 fekk løgreglan boð frá átaksleiðaranum um, at roykurin var burtur. Tá vóru framvegis nakrir logar, men um hálvgum ellivu var eldurin sløktur. Sløkkiliðið helt fram at eftirsløkkja alla nátt.
Fyrsta fráboðanin um eldin um hálvgu seks tíðina í gjárkvøldið. Seinni skifti ættin, og roykurin fór at reka niðan móti bygdini. Løgreglan bað tá fólk halda seg burtur frá staðnum og heitti á íbúgvar um at lata vindeyguni aftur. Les eisini fráboðanina frá í gjárkvøldið