Í dag er aftur J-dagur – jólabryggjadagurin – og sum vant kemur Føroya Bjór við sínum vælsmakkandi jólabryggi. Tað er heystardagur, og eisini í ár hevur FK fyrsta ræsta kjøtið frá Eyðsteini Jensen á Selatrað.

Aftur við fyrsta jólabrygginum og fyrsta ræsta kjøtinum hoyra røtur og gularøtur. Tær fáast frá Uttastovu í Vágsbotni.

So er bara at siga vælgagnist og fegnast um, at vit eiga føroyskan bryggjara, seyðabónda og grønmetisveitara, sum við sínum framúr vørum ríka føroyska heystardagin og menna okkara matmentan.

Johan Mortensen