Bárður á Steig Nielsen, landsstýrismaður í uttanríkis-og fiskivinnumálum, hevur gjørt av at taka burtur hámarkið hjá bátum, sum hava hummaraloyvi í hesum økjum:

• Sunnan fyri Streymin

• Kollafirði

• Tangafirði

• Skálafirði

• Kaldbaksfirði

Broytingin í hámarkinum í hesum økjum er galdandi fyri 2026.

- Sostatt kunnu tey, sum hava loyvi at royna eftir hummara í nevndu økjum, halda fram at fiska tað, sum er eftir av árinum - eisini, hóast hámarkið, sum er ásett í loyvinum, longu er rokkið.

Í uttanríkis-og fiskimálaráðnum verður sagt, at broytingin hjá landsstýrismanninum verður galdandi frá 10. november 2026 at rokna.