Iranski trygdarleiðarin Mohsen Rezaei hitti hósdagin russiska forsetan Vladimir Putin í Moskva. Eftir fundin segði Rezaei við iranskt ríkissjónvarp, at teir høvdu umrøtt at leggja eina gassleiðing úr Russlandi til Iran.
Sambært Rezaei skal leiðingin bøta um gasstrotið í Iran og samstundis gera tað møguligt at selja russiskt gass til grannalond hjá Iran. Eingin avtala um at byggja leiðingina er kunngjørd.
Iran framleiðir nógv náttúrugass, men hevur kortini havt trot á gassi til upphiting. Sambært Ritzau/AFP er støðan versnað, eftir at álop hava rakt iranskar orkustøðir undir krígnum, sum byrjaði í februar.
