Góðu tit, ið varða av kirkjuni

Eg vænti ikki at tit vita hvussu víđfevnd gjógvin er millum fólk í Argja sókn.

Høvdu tit veruliga sæð hvussu splittaðar familjurnar á Argjum eru í hesum málið, so høvdu tit møguliga broytt meining. 

Tá eg var við til at samla tær yvir 2200 undirskriftirnar fyri at varðveita økið bleiv eg ofta kedd av at síggja hvørji fólk møttu upp fyri at undirskriva. Har vóru fólk úr øllum familjum á Argjum. Eisini teimum, ið hoyra heima í kirkjuni, eisini avvarđandi hjá kirkjuráđslimum. Har vóru systkin, vaksin børn og fyrrverandi starvsfólk í kirkjuni. Eisini fólk, sum eru aktiv í øðrum kirkjum. Eitt argjafólk,
sum búði á røktarheimi, hevði fingið eitt avvarðandi at koyra seg. Allar familjur vóru umbođađar. Í summum grannaløgum tosa fólk nærmast ikki saman meira.

Ein fær ilt í hjarta av, at man byggir eina kirkju við so stórari gjógv. Og ilt í hjarta av at krossurin, sum vit eru nógv sum elska, skal standa modell fyri hesa gjónna ið klívir grannaløg og familjur.

Hetta er eitt stórt mistak frá byrjan til enda. Ein kann ikki keypa sær nakađ, sum longu er giviđ í gávu. Og tađ var ikki rætt av kommununi at selja gávuna, sum vit øll fingu. Økiđ var tinglýst sum fríøki og stendur enntá í skeytinum hjá teimum, iđ keyptu grundstykki í 1976. Hetta hevur kirkjan fingiđ at vita beinanvegin, men keypt var keypt og lyftiđ varđ brotiđ um at økiđ ikki skuldi byggjast á.

Kirkjan má ikki varvirđa hesa gávu til borgararnar.

Hvussu skal nakar sameina sóknina, tá øll tey særdu sita uttanfyri? Hvar finna tey sítt andaliga heim?

Hvussu kunnu tit halda hátíđardag leygardag, tá tađ verđur sorgardagur fyri so mong. Og er tađ ikki at varvirđa kirkjuna, tá grundarlagiđ undir henni er djúp ósemja? Eitt stórt mistak.

Eg veit at hetta bræviđ ongan mun ger, men vildi bara geva tykkum mítt innlit í spjađingina, sum kirkjan hevur volt í mong ár. Fólk eru troytt og kirkjan burdi veitt linna.

Tað er syrgiligt tá tað einasta, sum kann sameina fólk í økinum, er nýggi Á handilin.

Jenny Old