Tíðindaskriv:

Ofta hevur hann eisini sitið hinumegin pallin, handan ljóðpultin, og syrgt fyri, at tónleikurin úr hátalarunum hevur fylt rúmið.

Í kvøld verður tað øðrvísi. Tá er tað Vinjar sjálvur sum tekur pallin og bjóðar áhoyrarunum inn í sín egna, nýggja tónleikaheim.

Við nýggja solotilfarinum vísir hann eina nýggja síðu av sær sjálvum. Í egnum kompositiónum rennur bleytfølin fólkatónleikur, eksperimenterandi ljóð og norðurlendskur jazz saman í eina hugvekjandi heild.

Við sær á pallin hevur Vinjar eina sterka manning við Torleiki Mortensen á kontrabassi, Per I. Højgaard Petersen á trummum, Johan Hentze á flugelhorn og Moritz Christiansen á saksofon. Sjálvur situr Vinjar við klaverið.

Konsertin verður í Listastovuni í kvøld kl. 21.00.