Ein maður læt lív eftir at vera álopin av hávi í Avstralia í morgun. Maðurin svam út fyri Sorrento Beach, tá hann varð álopin.

Løgreglan sendi bæði bát og tyrlu á staðið.

- Vit fingu fráboðan um ein mann, sum varð álopin, tá hann svam fram við strondini, og maðurin læt lív í álopinum.

Fólk, sum vóu á staðnum, søgdu frá nógvum blóði í sjónum eftir álopið.

Tíðindini um hávaálopið í morgun kom bert fáar dagar eftir eitt annað hávaálop nærindis Geraldton, sum liggur umleið 25 kilometrar frá staðnum, har álopið var í morgun.

Í hesum fyrra álopinum fekk viðkomandi løstir, men varðveitti lívið.

Higartil í ár hava fýra fólk latið lív í hávaálopum í Avstralia, harímillum ein 12 ára gamal drongur.

Útlendskir miðlar vita at siga, at síðan 1791 eru skrásett 1300 hávaálop í Avstralia, og av hesum hava 260 fólk latið lív.

- Í miðal hava tað verið 2-3 deyðilig hávaálop í Avstralia um árið síðan 2000, veit tv2.no at siga í morgun.