Klokkan 03.30 í nátt fekk løgreglan eina fráboðan um eitt ferðsluóhapp í Havn, har ein bilførari hevði koyrt á tveir garðar og eini sethús, men var rýmdur av staðnum.

- Bilurin hevði fingið stóran skaða og kundi ikki koyra av staðnum. Vit høvdu illgruna um, at førarin, sum ikki hevði givið seg til kennar, kundi vera ávirkaður av rúsdrekka.

Vaktleiðarin visti í morgun at siga, at tey hava leitað eftir føraranum í nátt og í morgun, og nú beint eftir klokkan 09 er hann handtikin. 

Tað eru fleiri ting í einari slíkari hending. Eitt er, at førarin kann hava koyrt ávirkaður, og hann kann eisini vera komin til skaða. Hin parturin er tað, sum er oyðilagt.

- Hetta var ein hending, sum eingin annar bilur var partur av, sigur løgreglan.

Sambært vaktleiðaranum í morgun verður førarin avhoyrdur, og tá fæst vónandi greiða á, hvørjar umstøðurnar vóru, og hví viðkomandi ikki hevði boðað frá.

##med2##