Landsroknskapurin fyri 2025 er latin Løgtinginum. Roknskapurin fevnir um inntøkur og útreiðslur hjá landskassanum í fíggjarárinum. Roknskapurin gevur eina heildarmynd av virkseminum og fíggjarstøðuni hjá landinum.

Samtykta fíggjarlógin fyri 2025 gav hall á 120 mió. kr. Eykajáttanir í árinum vóru 27 mió. kr. Somuleiðis vórðu 9 mió. kr. brúktar av framfluttum løgujáttanum. Samlað hevði fíggjarlógin hall á 156 mió. kr.

Staðfesti landsroknskapurin hildnaðist tó betri. Inntøkurnar vóru 92 mió. kr. hægri enn mett, og útreiðslurnar 75 mió.kr. lægri enn játtað, tilsamans 167 mió. kr.

Samlaðu inntøkurnar frá skatti, avgjøldum, ríkisstuðli og øðrum vóru umleið 7,5 mia. kr. Samlaður útreiðslurnar vóru somuleiðis út við 7,5 mia. kr.

Rakstrar-, løgu- og útlánsúrslitið (RLÚ1) fyri 2025 var 11 mió. kr. Tað er heldur frægari enn í 2024, tá ið úrslitið var eitt hall á 172 mió.kr. 

Vit kunnu øll fegnast um, at eitt lítið avlop var í 2025, men vit vita eisini øll um avbjóðingarnar, sum landskassin hevur fyri framman. Aðalmálið hjá samgonguni er at taka ábyrgd, og samgongan hevur sett sær fyri at reka ein ábyrgdarfullan fíggjarpolitikk bæði nú og frameftir, sigur Aksel V. Johannesen, landsstýrismaður.

 Landsroknskapurin kann lesast her.