- Arbeitt verður niðanfyri húsið hjá Mariu og Brynjólvi á Heygum. Garðurin, sum í dag avmarkar sýnið hjá bæði bilførarum og gongufólki, verður tikin burtur. Samstundis verður vegurin nakað breiðkaður, og gongubreyt verður gjørd.

Soleiðis siga tey í Vestmanna kommunu í dag.

- Niðari Vegur er ein av elstu vegum í bygdini og er ein partur av honum framvegis hvørki nóg tryggur ella nøktandi til nútíðar tørv. Seinastu árini hevur kommunan stigvíst arbeitt við at bøta um umstøðurnar á vegnum og arbeiðið, sum nú fer í gongd, er enn eitt stig á leiðini móti einari betri farleið.

Í Vestmanna kommunu vísa tey á, at vegurin verður stongdur í styttri tíðarskeiðum, meðan arbeiðið er í gongd. Tá eingin gjøgnumkoyring er, verða skeltir við kunning sett upp báðumegin Niðara Veg.

- Tað er byggifelagið Konsax, sum stendur fyri arbeiðinum, verður lagt aftrat.