Pólski forsætisráðharrin, Donald Tusk, sigur seg ivast í, um Russland yvirhøvur fer at samráðast um eina friðaravtalu við Ukraina, fyrr enn veturin er av.
Tað skrivar tíðindastovan Reuters.
Donald Tusk kom við hesi útsøgn á einum tíðindafundi í Berlin seinnapartin í dag.
Ríkis- og stjórnarleiðarar í samgonguni av sjálvbodnum londum, sum stuðla Ukraina, eru í løtuni savnaðir í týska høvuðsstaðnum.
Samstundis hevur amerikanski forsetin, Donald Trump, hitt russiska forsetan, Vladimir Putin, og kinesiska forsetan, Xi Jinping, á fundi í Kina í dag.