Ein finskur dómstólur hevur kent tveir menn av farmaskipinum Fitburg sekar í grovum herverki móti tveimum sjókaðlum.

Russiski skiparin hevur fingið trý ár og seks mánaða fongsul. Ein manningarlimur úr Aserbajdsjan hevur fingið tvey ár og tíggju mánaðir.

Tað skrivar Ritzau við tilvísing til Reuters og NTB.

Finskir myndugleikar steðgaðu Fitburg nýggjársaftan í fjør, eftir at tveir fjarskiftiskaðlar á havbotninum vóru skaddir. Skipið var tá á veg úr Russlandi til Ísraels.

Skiparin hevði verið undir illgruna fyri at hava latið akkerið draga eftir havbotninum í minst 130 kilometrar.

Báðir menninir hava noktað seg sekar. Teir hava eisini sett spurnartekin við rættin hjá Finnlandi at føra málið, tí kaðlarnir vórðu skaddir uttan fyri finskt sjóøki.

Finnland hevur síðani styrkt arbeiðið við at verja undirsjóvarkervið.

Ritzau