Sambært dagførdu skránni hjá Tórshavnar havn var skipið væntað mánakvøldið 28. september klokkan 20.30 og skal eftir skránni fara aftur í dag klokkan 12. Faroe Ship er umboð fyri vitjanina.

Upprunaliga skuldi Spitsbergen koma týskvøldið og fara aftur mikudagin. Eftir at vitjanin varð avlýst, er ferðaætlanin sostatt broytt enn eina ferð. Orsøkin til, at skipið kortini kom til Havnar, er ikki upplýst.

Spitsbergen er eitt rannsóknarferðaskip hjá HX Expeditions. Sambært reiðarínum hevur skipið pláss fyri 150 ferðafólkum. Tað er umleið 100 metrar langt, varð bygt í 2009, umbygt í 2016 og endurnýggjað í 2025.

Ikki er upplýst, hvussu nógv ferðafólk og manning eru við skipinum á hesi ferðini.