Trý føroyingalið, Viborg hjá Janu Mittún, Keypmannahavn hjá Mariu P. Nólsoy og Nykøbing-Falster hjá Maritu Mortensen hava vunnið seg víðari til fjórðingsfinalurnar í donsku steypakappingini.
Í kvøld vunnu Mariu og liðfelagarnir í Keypmannahavn á útivølli 34-33 (14-17) á Ringkøbing. Maria var noterað fyri eitt mál og tvey upplegg til mál.
Marita og liðfelagarnir í Nykøbing-Falster vunnu á útivølli stórsigur 35-21 (15-8) á Silkeborg-Voel.
Í farnu viku vunnu Jana og liðfelagarnir í Viborg 38-26 (22-12) á Rannvá Olsen og liðfeløgum hennara í Ejstrup/Hærvejen.
Landsliðsmálverjin, Rakul Wardum og liðfelagarnir í Skanderborg máttu í kvøld leggja ryg til stórtap 15-32 (7-19) fyri stórliðnum, Team Esbjerg. Rakul bjargaði tveimum av 13 málroyndum.
Silja G. Eystberg var við fimm málum deildur toppskjútti hjá Ajax, ið á heimavøli tapti stórt 21-33 (11-17) fyri Sønderjyske, sum spælir í bestu deildini. Vár Zachariasen var noterað fyri eitt mál hjá Ajax.
