Føroyingauppgerð var í bestu donsku hondbóltsdeildini hjá kvinnum í dag.

Jana Mittún, ið gevst í Viborg aftaná lokið kappingarár tók við liðfeløgunum móti landsliðsmálverjanum, Rakul Wardum og liðfeløgum hennara í Skanderborg.

Frammanfyri 702 áskoðarum í BIOCIRC Arena í Viborg eydnaðist tað Janu og liðfeløgunum at vinna stórsigur 37-20 á Skanderborg. Í steðginum var støðan 19-10 til heimaliðið.

Jana skoraði trý mál upp á tríggjar málroyndir, og hon legði upp til seks mál.

Rakul bjargaði seks av 28 málroyndum. Kappingarneytin, Else Bøg Hede bjargaði tveimum av 16 málroyndum.

Viborg hevur seks stig fyri fýra dystir. Skanderborg hevur enn fyrsta stigið til góðar aftaná fýra leiktar dystir.