Aftaná 0-5 tapið fyri Írlandi mánadagin reisti føroyska U19-landsliðið seg í øðrum dystinum á venjingarleguni í Slovenia.
Hósdagin taptu Føroyar tepurt 1-2 fyri slovensku vertunum.
Tá 19 minuttir vóru leiktir legði Markus Højgaard Føroyar á odda. Slovenia megnaði tó at javna stutt undan steðginum. Tá eitt korter var eftir av vanligu leiktíðini skoraði Slovenia sigursmálið.
Slovenia hevði bóltin 69 prosent av tíðini, og teir høvdu fleiri málmøguleikar enn Føroyar. Men mett saman við úrslitið tríggjar dagar frammanundan var talan um stóran bata.
Sunnudagin klokkan 10.30 spælir føroyska U19-landsliðið triðja og seinasta dystin á ferðini í Slovenia. Talan verður um forkunnuga mótstøðu, nevnliga Sameindu Arabisku Emirríkini.
Mánadagin taptu Sameindu Arabisku Emirríkini 0-3 fyri Slovenia.
Hesir byrjaðu inni fyri Føroyar móti Slovenia:
1 Tróndur Sjúrðarson (Málverji)
2 Eyðtór Eyðsteinsson Joensen
3 Jákup Kristiansson Poulsen
4 Jóel Tróndargjógv
5 Dennis Anghel (L)
6 Sigurd Ulriksen
7 Ezra Lukama
8 Rasmus Helgason
10 Danial Mørkøre
11 Markus Klein Danielsen
14 Markus Højgaard
Eyka:
9 Jannik Borge
12 Nóa Klein Joensen (Málverji)
13 Nóa Kristin Mortensen
15 Pall Johannesen
16 Edvard Falkenberg
17 John Ziska Joensen
18 Jeffrey Berg Dulavík
Kelda: FSF
