Tað er háspenningur í EM-undankappingarbólkinum hjá føroyska U21-landsliðnum.
Í okkara bólki, bólki C vann Ísland fyri løtu síðani heili 5-1 á Sveis.
Ísland U21 - Sveis U21 5-1 (2-0)
1-0 Daníel Tristan Guðjohnsen ('11 )
2-0 Benoný Breki Andrésson ('45 )
2-1 Labinot Bajrami ('46 )
3-1 Davíð Helgi Aronsson ('62 )
4-1 Daníel Tristan Guðjohnsen ('79 )
5-1 Hilmir Rafn Mikaelsson ('86 )
Nú er háspenningur í kappingini um annað plássið. Frakland er fremst við 20 stigum, og teir hava ein dyst móti Luksemborg til góðar. Sveis er nummar tvey við 17 stigum. Ísland hevur 15 stig á triðja plássinum, og Føroyar hava 12 stig á fjórða plássinum. Luksemborg hevur fýra stig og Estland hevur tvey stig.
Vinna Føroyar á Luksemborg í dystinum, ið byrjar á vøllinum við Djúpumýru í Klaksvík í morgin klokkan 17, so er støðan í kappingini um annað plássið: Sveis 17 stig, Ísland 15 stig og Føroyar 15 stig.
Týskvøldið 6. oktober er dystarskráin hendan: Frakland-Sveis og Føroyar-Ísland á Tórsvølli. Vinnur Frakland á Sveis knógvar vinnarin av dystinum millum Føroyar og Ísland annað plássið í bólkinum.
Men fyrst mugu okkara stríðast fyri at vinna á Luksemborg í Klaksvík í morgin, og til ta uppgávuna hava teir brúk fyri góðum stuðuli kring vøllin.
