Jóannes Bjartalíð og liðfelagarnir í FC Kyzylzhar í bestu kasakisku fótbóltsdeildini eru bert tvey stig omanfyri niðurflytingarstrikuna.
Fyrr í dag tapti FC Kyzylzhar á útivølli 0-1 fyri Okzhetpes, ið skoraði sigursmálið við einum rimmar langskoti, tá ein tími var leiktur av dystinum.
Liðið hjá Jóannesi hevði væl fleiri royndir innanfyri málrammurnar, men teir dugdu ikki at taka av.
FC Kyzylzhar hevur 27 stig á ellinta plássinum í deildini. Teir eru tvey stig frammanfyri næstaftasta liðið, Zhetysu, og trý stig frammanfyri aftasta liðið, Kaisar Kyzylorda, so enn er FC Kyzylzhar í stórum niðurflytingarvanda.
FC Kyzylzhar hevur tveir dystir eftir at leika. Komandi leygardag klokkan 12 hevur FC Kyzylzhar dyst á heimavølli móti Ulytau, ið hvørki kann flyta niður ella røkka einum evropeiskum plássi. FC Kyzylzhar endar á útivølli leygardagin 31. oktober við dysti á útivølli móti Kaspij Aktau, ið heldur ikki kann røkka Evropa ella flyta niður. So Jóannes og liðfelagarnir hava enn lagnuna í egnum hondum.
