Tveir føroyskir landsliðsleikarar vóru á vøllinum í kvøld í bestu donsku hondbóltsdeildini.
Føroyski landsliðsmálverjin, Annika Fríðheim Petersen bjargaði einum brotskasti, og bjargaði tveimum av 11 málroyndum í opnum spæli, tá hon og liðfelagarnir í Nykøbing Falster vunnu 35-29 á Silkeborg/Voel á heimavølli.
Í steðginum var Nykøbing Falster á odda 19-13.
Kappingarneytin hjá Anniku, Cecilie Greve stóð í málinum hjá Nykøbing Falster størra partin av dystinum.
Sigurin merkir, at Nykøbing Falster er oddalið við átta stigum fyri fýra dystir.
Føroyski landsliðsleikarin, Pernille Brandenborg kom á vikuliðið í bestu deildini fyri góða avrikið í undanfarna umfarinum.
Tó gekk ikki nakað serligt í kvøld, tá hon og liðfelagarnir í Randers taptu stórt 22-34 fyri Horsens á útivølli. Í steðginum var Horsens á odda 19-12.
Pernille skoraði tvey mál fyri Randers í kvøld.
Støðan:
| Nr. | Lið: | Dystir | Stig |
| 1 | Nykøbing Falster | 4 | 8 |
| 2 | Odense | 3 | 6 |
| 3 | Ikast | 4 | 6 |
| 4 | Horsens | 4 | 5 |
| 5 | Team Esbjerg | 3 | 4 |
| 6 | København | 3 | 4 |
| 7 | Silkeborg-Voel | 4 | 4 |
| 8 | Aarhus United | 4 | 4 |
| 9 | Viborg HK | 3 | 2 |
| 10 | Randers HK | 4 | 2 |
| 11 | Ajax | 3 | 2 |
| 12 | Skanderborg | 3 | 1 |
| 13 | Ringkøbing | 3 | 0 |
| 14 | SønderjyskE | 3 | 0 |
