Tað segði Árni Skaale, landsstýrismaður í fiskivinnumálum, við Dag og Viku í gjárkvøldið.
Hann sipaði til, sum hann hevur sagt fleiri ferðir, bæði í Føroyum og við útlendskar fjølmiðlar, at avtalan við Russland um fiskiskapin í Barentshavinum er verd 1,2 milliardir krónur ella fimm prosent av bruttotjóðarúrtøkuni.
Kringvarpið hevur spurt Fiskimálaráðið um grundarlagið undir hesi meting og útsøgn hjá landsstýrismanninum.
Men aðalstjórin sigur, at Fiskimálaráðið sum fakráð ikki stendur aftan fyri hesar útsøgnir hjá landsstýrismanninum. Aðalstjórin, Rógvi Reinert sigur eisini fyri Kringvarpinum, at landsstýrismaðurin hevur upplýsingarnar úr eini grein hjá Karl Erik Reynheim, sum er stjóri í Faroe Agency, sum livir av at samstarva við russar og sum eisini hýsir russiska konsulátinum í Føroyum. Hin stjórin í Faroe Agency, Maria í Akrabyrgdi, er russiskur konsul í Føroyum.
Les eisini: Ætla føroyingar nú at forða fyri flutningi av mati til fátøk?
Hans Ellefsen, búskaprfrøðingur, er ósamdur við útsøgnini hjá landsstýrismanninum. Og tað er júst Hans Ellefsen, sum hevur ráðgivið landsstýrismanninum, men honum hevur landsstýrismaðurin eftir øllum døma ikki valt at lurta eftir.
In.fo bað herfyri um innlit í búskaparfrágreiðingina, sum varð gjørd í sambandi við fiskivinnuavtaluna við Russland. Hon varð løgd fram á fundi, sum løgmaður hevði við floksformenn miðskeiðis í oktobermánaði.
Frágreiðingina høvdu Hans Ellefsen, Fiskimálaráðið, Djóni Højgaard, Fíggjarmálaráðið og Flóvin Eidesgaard, Løgmansskrivstovan, gjørd. Men áðrenn vit innlitið varð latið Miðlahúsinum varð so nógv strikað út við svørtum, at einki sást um virðið á avtaluni.
Innslagið í Degi og Viku kann síggjast við at trýsta her
Skjøl úr búskaparfrágreiðingini, sum vit fingu, har alt um virðið er strikað út:
##med2##
##med3##
##med4##
