Um hálvgum sjey tíðina í gjárkvøldið ringdi eina ferðamaður á politistøðina at biða um hjálp. Hann leigaði ein Airbnb bústað í miðbýnum í Havn.
Orsøkin var, at ein sera drukkin maður var komin á dyr, og ferðafólkini fingu hann ikki útaftur.
Ein patrulja frá løgregluni fór á staðið og fekk mannin á dyr. Tað vísti seg, at hann var farin á skeivar dyr.
Annars hevur seinasta samdøgrið verið sera friðarligt hjá løgregluni.
Men leygarmorgunin boðaði onkur frá, at kvinnuskíggj hoyrdist yvir við Strond í Havn. Løgreglan fór á staðið og kundi staðfesta, at tað hoyrdust kvinnuskríggj. Men her var kortini eingin vandi á ferð, tí tað vóru nøkur ungfólk sum hugnaðu sær við eini reiggju – og eftir øllum at døma var ov nógv ferð á hjá ungu kvinnuni.
Leygarmorgunin um níggjutíðina fór eisini ein alarmur í gongd á eini alistøð norðan fyri Fjall. Men tað vísti seg skjótt, at tað var falskur alarmur. Men meðan hetta stóð uppá, vóru tunlarnir stongdi, so neyðsendarakfør kundu koyra frítt. Men tað lótu skjótt uppaftur, tá tað vísti seg at vera falskur alarmur.
