Flogið hjá Tjaldrinum var fínt

Eftir at Leikalind hjá róðrarfelagnum Tindur í Eysturkommunu vann á sundalagsstevnu, vendi tað í dag aftur soleiðis, sum tað gjørdi í tveimum teimum fyrstu kappingunum. Tjaldrið vann á norðoyastevnu og á Skálafjørðinum, og aftur í dag vann Tjaldrið.

Guli báturin legði bragdliga fyri, og tá ið startspurturin var gott og væl av, var Tjaldrið á odda, og Tjaldrið var fyrst á mál.

Leikalind bjóðaði av álvara av í endaspurtinum, tá ið munurin tak fyri tak minkaði úr tað mesta av einari bátslongd og til ein lítlan skut, men Tjaldrið megnaði at  halda tørn, hóast munurin á málinum var rættiliga lítil.

Leikalind var tað mesta av einari bátslongd undan Bliki, sum endaði á bronsuplássi.

-

stavnur.fo