##med2##
U21-landsliðsskiparin, Stefan Radosavljevic hevur havt eina spennandi og mennandi tíð við Sámal Erik Hentze sum U21-landsliðsvenjara. Í kvøld eydnaðist tað U21-landsliðnum at fáa fjórða EM-undankappingarsigurin av sjey møguligum. Í kvøld var tað Armenia sum stóð fyri skotum á Svangaskarði. Við tveimum málum frá Jonn Johannesen fekk føroyska U21-landsliðið eina dreymabyrjan uppá hesa undankappingina.
Føroyar – Armenia 2-0 (0-0)
U-21 EM undankapping
1-0: Jonn Johannesen 68.
2-0: Jonn Johannesen 84.
Á ljóðfíluni omanfyri ber til at hoyra telefonsamrøðuna FM1 gjørdi við Stefan Radosavljevic aftaná dystin.
U21-landsliðsskiparin, Stefan Radosavljevic sigur, at hann er sera stoltur av sínum monnum og avrikinum teir løgdu fyri dagin á Svangaskarði. Stefan trýr uppá, at føroyska liðið kann endurtaka eitt líka gott avrik í útidystinum móti Armenia 2. september. Stefan sigur, at tað hevur fantastiskt at hava verið við á U21-landsliðnum seinasta lítla árið har tað er blivið til fýra sigrar í sjey undankappingardystum. Stefan hevur eisini nógvar rósir at bera føroyska sigursmálskjúttanum, Jonn Johannesen.