Seinnapartin klokkan 14.55 bresta føroyingaliðini Füchse Berlin og THW Kiel saman í Max Schmelling høllini í Berlin.

Elias Ellefsen á Skipagøtu og hinir í Kiel eru fremst í bundesliguni við 21 stigum. Hákun West av Teigum og hinir hjá heimaliðnum eru nummar fimm í deildini við 14 stigum.

Hondbóltsáhugaðir føroyingar kunnu síggja dystin á TV3 Sport. Til ber eisini at stroyma dystin á Viaplay Sport.

Sendingin á TV3 Sport byrjar klokkan 14.50.