KÍ vann FM í kvinnukappingini, og tað eru seks KÍ spælarar á ársins liði, sum varð kosið í sending í FM1 í kvøld. Tað vóru venjarar, liðformenn og landsliðsvenjarin Lene Terp, hjálparvenjarin Christian Høgni Jacobsen og Maria Ziskason Nesá viðmerkjari, ið atkvøddu.
KÍ málverjin Óluva Allansdóttir Joensen fekk greitt flestar atkvøður, tá ið tað snúði seg um at velja ársins málverja. Rakul Magnussen er ársins verjuspælari, Jensa K. Tórólvsdóttir er ársins miðvallarim og Heidi Sevdal var ársins álopsspælari.
Ársins venjari hjá kvinnum var Poul N. Poulsen venjari hjá NSÍ.
Ársins lið 2021: Óluva Allansdóttir Joensen, KÍ – Rakul Magnussen, EBS/Skála, Ragna B. Patawary, KÍ, Birita Ryan, KÍ, Durita Hummeland, KÍ – Jensa K. Tórolvsdóttir, Víkingur, Sanna Svarvadal, KÍ, Ansy S. Jakobsen, NSÍ – Lea Lisberg, EBS/Skála, Heidi Sevdal, NSÍ, Hervør Olsen, KÍ
