Tann fyrsta august vóru 27.300 fólk til arbeiðis í Føroyum. Tað vísir ein uppgerð hjá Hagstovuni. Talið á fólki, sum hevur verið til arbeiðis kring landið, er alsamt hækkað hesi seinastu árini, men nú er vøksturin avhæsaður

Uppgerðin vísir eisini, at munurin ímillum kynini er minkaður nakað, tí í august í vóru tað 13.900 menn, sum vóru til arbeiðis og 13.400 kvinnur. Tað er serliga tey, ið vit vanliga kalla mannfólkastørv, sum størvini ikki veksa longur í tali, men hinvegin eru fleiri kvinnur farnar á arbeiðsmarknaðin. Tískil minkar munurin millum kynini eisini Fyri 10 árum síðani, var munurin ímillum kynini minni enn hann er nú, men so fór hann at veksa, so at tað vóru munandi fleiri menn til arbeiðis enn tað vóru kvinnur. Í januar í 2020, vóru túsund fleiri menn til arbeiðis, enn tað vóru kvinnur enn tað vóru menn, men síðani er munurin so minkaður aftur niður í 500.

Uppgerðin vísir eisini, at í vinnubólkinum, sum kallast privatar tænastuvinnur, er ein lítil vøkstur, men bólkurin, sum eitur almennar tænastur, veksur ikki so nógv longur, sum hann hevur gjørt. Almennu tænastuvinnurnr eru framvegis nógv størsta vinnan, tí har arbeiða 9.970 fólk og í privatu tænastuvinnuni arbeiða stívliga 9.000 fólk. Sostatt eru hesar báðar vinnurnar meiri enn tvær stórar, sum byggivinnan og fiskivikkan.

Í byggivinnuni er løntakaratalið eisini farið at minka eftir at hava verið støðugt vaksandi síðani 2014.