Seinnapartin hósdagin komandi fer trivnaðarnevndin í Hvannasunds kommunu at skipa fyri árligum ruddingardegi í kommununi.
- Tiltakið byrjar klokkan 17 við, at kommunan bjóðar grillaðar pylsur, burgarar, kaffi og annað gott uttan fyri kommunuskrivstovuna.
Hvannasunds kommuna er víðfevnd, báðu megin byrgingina, og kommunuskrivstovan er í Hvannasundi.
- Her fáast handskar og sekkir at fylla rusk í, siga tey í trivnaðarnevndini, sum vegna kommununa skipa fyri ruddingartiltakinum.
Lagt verður aftrat, at tey, sum hava hug at rudda fyrr um dagin, kunnu koma eftir handskum og sekkjum frá klokkan 10 hósmorgunin.
