Óli og Sävehof vunnu 10-málssigur í steypakappingini

Elias Ellefsen á Skipagøtu var spardur til áttandapartsfinaluna móti Eskilstuna GUIF

Føroyingaliðið í svenskum hondbólti, Sävehof spældi í kvøld fyrru áttandapartsfinaluna í svensku steypakappingini.

 

Dysturin var móti Eskilstuna GUIF á útivølli, har tað eydnaðist Sävehof at fáa eitt gott útgangsstøðið til seinnu áttandapartsfinaluna.

 

Sävehof vann dystin 33-23. Sävehof var á odda 17-14 í steðginum.

 

Óli Mittún skoraði trý mál fyri Sävehof í kvøld. Venjarin valdi at spara Elias Ellefsen á Skipagøtu til dystin í kvøld. 

 

Seinna áttandapartsfinalan verður spæld í Partille sunnudagin klokkan 16.30.

 

Sävehof er verandi steypavinnari.