Miðflokkurin skrivar í tíðindaskrivi, at tað var metstór uppmøting á landsfundinum hjá Miðflokkinum.
– Gott og væl 150 fólk vóru møtt á landsfundi Miðfloksins, sum var hildin á Svangaskarði í gjárkvøldið. Fundurin var eisini uppstillingarfundur til løgtingsvalið, og 7 menn og 6 kvinnur vóru komin á listan við fundarlok, skrivar Miðflokkurin.
– Uppstillingin er tó ikki endað, og væntandi verða enn fleiri á listanum, áðrenn freistin er úti, skrivar Miðflokkurin.
Freistin at lata inn uppstillingarlista til løgtingsvalið er hósdagin 24. november klokkan 18.
Formansfrágreiðing, fyribils valskrá og politisk úrslit frá seinastu trimum árunum vóru løgd fram, og gott og gevandi kjak var um hesi.
Val var av tveimum nevndarlimum, og í nýggju nevndini eru:
•    Rani Skaalum
•    Leif Høj
•    Fimmbogi Poulsen
•    Rósa Tyril Gaardlykke
•    Jenis av Rana
•    Aksel Kambsskarð Berg
•    Danjal av Rana, varalimur
•    Mia av Kák Joensen, varalimur