Skála sigraði í Klaksvík

1 DEILD: Marjus Nón var tvífaldur málskjútti, og nú er hann toppskútti á oddaliðnum

Síðsta leygardag endaði tað 1-1, tá ið Skála var í Gundadali og spældi ímóti B36.

 

Í kvøld var Skála í Klaksvík, og nú gekk tað soleiðis, sum tað hevur gjørt allar ferðirnar higartil í ár undantakið síðsta leygardag í Havn, og tá ið tað í triðja umfari endaði við 1-0 heimatapi ímóti FC Hoyvík.

 

Skála vann 3-0 í Klaksvík eftir hálvleiksstøðuna 1-0. Tá ið KÍ flaggdagin var á Skála, vann heimaliðið 4-1.

 

Í kvøld var hálvur tími farin, tá ið Carlos Ferreira setti hol á. Portugisiski spælarin er sannur fongur á Skála. Í kvøld var hann fyri sættu ferð málskjútti.

 

Í seinna hálvleiki økti Skála um leiðsluna til 2-0 og 3-0. Í báðum førum var Marjus Nón málskjútti. Hann skoraði í 67. og 88. minutti. Marjus Nón flutti í vetur úr NSÍ og yvir á Skála, har hann hevur roynst hendinga væl. Nú er hann toppskjútti við átta málum.

 

Skála er topplið við 34 stigum. Tað eru trý stig aftur til NSÍ.

 

KÍ er á fimta plássi við 18 stigum. Tað eru tvey stig fram til B36, og tað er eitt stig aftur til HB.

 

Um tvær vikur fer KÍ at spæla á útivølli ímóti B36, og tá fer Skála at spæla á heimavølli ímóti B68.