Í dag verða skattalistarnir lagd­­ir fram til alment eft­ir­lit á ávísum støð­u­m kring land­­ið, har fólk kunnu møta upp og hyggja í list­ar­nar. Men hví skulu skatta­list­ar­nir ikki kunna síggjast tal­gilt, eins og teir kunnu í Nor­egi?

Tann spurn­ing­in hava vit sett Akseli V. Jo­hanne­sen, lands­stýr­is­manni í fíggj­­ar­mál­um.

Hann sigur, at hann ikki áður hev­ur hugs­að um møg­u­leik­an, men eftir at hava um­hugs­að spurn­ing­in eina løtu sigur hann seg vera sinn­að­an at kanna mál­ið.

– Eg havi einki ímóti at gera ta broyt­ingina. Noreg hev­ur gjørt tað tal­gilt, og eg haldi sjálv­ur, at tað er skila­gott heldur enn at leggja list­­ar­nar fram, sigur Aksel V. Jo­hann­esen.

Krevur lógarbroyting

Landsstýrismaðurin vísir á, at tað ikki ber til at gera skatta­listarnar tal­gildar utt­an víðari.Verandi lóggáva ásetur, hvussu skatta­list­ar­nir skulu leggj­ast fram, og tí krevst ein lóg­ar­broyting, um skip­an­in skal broyt­ast.

– Tað krevur eina lóg­ar­broyt­ing, sum krevur eina pol­it­iska við­gerð, og tann við­gerð­in hevur ikki verið, sig­ur hann.

Lesið eisini: Tú hevur rætt at síggja lønina hjá grannanum – men tú mást møta upp hjá kommununi

Men nú ætlar hann at taka spurn­ingin upp.

– Eg fari at taka stig til at taka tað upp politiskt og kanna, um und­ir­tøka er fyri tí, sigur Aksel V. Jo­­hann­­e­sen.

Noreg hevur talgildar skattalistar

Í Noregi hava skattalistarnir í nógv ár verið tøkir á int­er­net­i­num.

Har kunnu fólk við el­ek­tron­isk­um sam­leika­prógvi rita inn á heim­a­síð­una hjá norsku skatt­a­mynd­ug­leik­u­num og leita eftir skatta­upp­lýs­ing­um hjá øðrum.

Ein týðandi partur av norsku skipanini er tó, at tað verð­ur skrásett, hvør hevur leit­að eftir upp­lýs­ing­um um ein ávísan per­són. Við­­kom­­andi kann síð­ani síggja, hvør hev­­ur kan­n­að hans­ara skatta­upp­lýs­ing­ar.

Ein møgulig føroysk skip­an kundi verið skipað eft­ir líkn­andi leisti.

Enn er tó eingin ítøkilig ætl­an løgd fram um, hvussu ein tal­gild føroysk skipan skuldi virkað.

Fer at taka málið upp politiskt

Tó at landsstýrismaðurin  ikki hevur boðað frá einum lóg­­­ar­­­upp­­skoti enn, so sigur hann, at hann fer nú at kanna, um politisk und­ir­tøka er fyri einari broyt­ing.

Verður undirtøka fyri tí, kann tað hava við sær, at fólk í framtíðini ikki long­ur noyð­ast at møta upp á ein­­um á­vís­um staði fyri at síggja skatta­listarnar, men kunnu fáa atgongd til teir tal­­gilt.