Høvuðsvenjarin hjá FH, Ólaf Jóhannesson og hjálparvenjarin, Sigurbjörn Hreiðarsson fingu báðir sekkin í farnu viku aftaná nógv sløk úrslit hjá FH í bestu íslendsku fótbóltsdeildini.
Nú hevur ein hin fremsta íslendska fótbóltslegendan nakrantíð, Eiður Smári Guðjohnsen tikið við starvinum sum høvuðsvenjari hjá Gunnari Nielsen og hinum leikarunum í FH.
Í nullunum var Eiður Smári Guðjohnsen leikari hjá Chelsea í seks ár, og leikari hjá FC Barcelona í trý ár.
Eiður Smári Guðjohnsen hevur áður roynt seg sum høvuðsvenjara hjá FH. Tað var í 2020, tá tað eydnaðist honum og hópinum at gerast nummar tvey í landskappingini.
Fram til november í fjør var Eiður Smári Guðjohnsen hjálparvenjari hjá íslendska A-landsliðnum.
