Ungarn staðfesti í kvøld hví teir eru favorittar til at vinna EM-undanbólk 4, ið er okkara bólkur í EM-undankappingini.
Á heimavølli vann Ungarn í kvøld stórsigur 32-21 á Montenegro. Longu í steðginum var greiður munur. Tá var Ungarn á odda 16-9.
Aftaná eitt umfar hava Ungarn og Føroyar tvey stig hvør, meðan Kosovo og Montenegro einki stig hava.
Zoran Ilic og Zoltan Szita vóru við fimm málum hvør toppskjúttar hjá Ungarn.
Arsenije Dragasevic avrikaði væl fyri Montenegro. Hann skoraði átta mál upp á 11 málroyndir, og hann legði upp til fýra mál. Hann mugu okkara leikarar halda eitt gott eygað við, tá Montenegro og Føroyar hittast í dysti, sunnudagin klokkan 17.
Sterki málverjin hjá Montenegro, Nebojsa Simić sum spælir við MT Melsungen í týsku Bundesliguni bjargaði trimum av 17 málroyndum. Hin málverjin hjá Montenegro, Nikola Matovic bjargaði sjey av 24 málroyndum.
