Verkætlanin fevnir um 37 íbúðir, sum verða bygdar í trimum bygningum. Íbúðirnar verða í trimum ymiskum støddum, soleiðis at tær kunnu hóska til ymiskan bústaðartørv.
Íbúðirnar verða býttar soleiðis:
20 íbúðir á 53 m²
3 íbúðir á 73 m²
14 íbúðir á 85 m²
Við ymisku íbúðarstøddunum verður møguligt at bjóða bústaðir til bæði einstaklingar, pør og familjur.
"Vit eru fegin um, at vit nú kunnu fara undir byggingina av 37 nýggjum leiguíbúðum við Villingardalsvegin. Hetta er ein týðandi verkætlan fyri Bústaðir, og við íbúðum í ymiskum støddum kunnu vit bjóða bústaðir, sum hóska til ymiskan tørv, sigur Jógvan Ósá, stjóri í Bústøðum".
Byggingin verður liðug á vári 2028.
HVT stendur fyri byggingini sum heildararbeiðstakari. Arbeiðið fer eftir ætlan í gongd í november 2026, og íbúðirnar skulu sambært sáttmálanum verða lidnar í seinasta lagi í apríl 2028.
Jógvan Ósá (Stjóri Bústaðir), Ingibjørg Berg (Stýrisforkvinna) og Regin Petersen (Stjóri HVT)
Við undirskrivingini av skeytinum við Tórshavnar kommunu og byggisáttmálanum við HVT eru fortreytirnar nú lagdar fyri at fara undir byggingina.
Verkætlanin er liður í arbeiðinum hjá Bústøðum at økja um útboðið av leigubústøðum og skapa fleiri bústaðarmøguleikar í Føroyum.
Nærri kunning um útleigu verður kunngjørd, tá ið byggingin nærkast endanum.
