Elias Ellefsen á Skipagøtu og liðfelagarnir í THW Kiel byrja á útivølli í bestu týsku hondbóltsdeildini - bundesliguni - hetta kappingarárið.
Í kvøld klokkan 19.30 spælir THW Kiel dyst á útivølli móti Rhein-Neckar Løwen í SAP Arena í Mannheim.
THW Kiel er hampuliga stórur favorittur hjá veddingarfyritøkunum.
Høvið verður at fylgja dystinum, tí TV3 sport, ið er ein av rásunum hjá Televarpinum vísir dystin.
Í kvøld klokkan 18 spælir liðið hjá Vilhelmi Poulsen, Hannover-Burgdorf dyst á heimavølli móti Gummersbach.
Vónandi gongst bæði Vilhelmi og Eliasi væl í fyrsta dystinum í bundesliguni hetta kappingarárið.
