EM-bólturin er farin á rull og seinnapartin verður dystur millum Wales og Sveis. Meðan tað er óvistt hvat vit kunnu vænta av Wales, so verður mett at Sveis hevur ein dygd, sum kann fáa liðið víðari úr bólkaspælinum.
Sveis vann undankappingarbólkin frammanfyri Danmark, og teir hava vunnið fimm av fimm dystum í 2021. Seinast vunnu teir 7-0 á Liktinstein, men tað nýtist ikki at siga so nógv um styrkina, tí Føroyar vunnu so seint sum mánakvøldið 5-1 á sama Liktinstein.
Styrkina hjá Sveis síggja vit í at Sveis í Nations League megnaði at spæla javnt í trimum av fýra dystum móti Týsklandi og Spania. Føroyar spældu móti Sveis í HM 2018 undankappingini. Vit taptu greitt 2-0 í báðum dystunum. Fleiri av nøvnunum frá teimum dystunum ganga aftur í dag. Tað er eisini ein av styrkinum hjá Sveis. Liðið er væl samanspælt.
Veikleikin er, at fleiri at lykla spælarunum hava sitið nógv á bonkinum. Eitt nú stóra stjørnan Xherdan Shaqiri, sum bara fær nakar fáar minuttir í Liverpool. Ivamálið er Fabian Schär úr Newcastle. Hann hevur ein snudd. Av øðrum kunnu nevnast Granit Xhaka úr Arsenal og Ricardo Rodríguez, sum nú spælir við Torino. Mest spennandi spælarin á liðnum er áleyparin Breel Embolo.
Tað verður væntað, at Sveis kemur víðari úr bólkinum, men tað krevur helst ein sigur á Wales, sum er styrkimett lægst.
Bólkur A:
Wales – Sveis (14.00)
Væntað uppstilling Sveis (3-4-1-2): Sommer – Schär, Elvedi, Benito – Widmer, Xhaka, Zakaria, Rodriguez – Shaqiri – Seferovic, Embolo
Hópurin hjá Wales:
Málverjar:
Yann Sommer, Mönchengladbach
Yvon Mvogo, PSV
Jonas Omlin, Montpellier
Verjuspælarar:
Manuel Akanji, Dortmund
Loris Benito, Bordeaux
Eray Cömert, Basel
Nico Elvedi, Mönchengladbach
Jordan Lotomba, Nice
Kevin Mbabu, Wolfsburg
Becir Omeragic, Zürich
Ricardo Rodríguez, Torino
Fabian Schär, Newcastle
Silvan Widmer, Basel
Miðvallarar:
Christian Fassnacht, Young Boys
Edimilson Fernandes, Mainz
Remo Freuler, Atalanta
Admir Mehmedi, Wolfsburg
Xherdan Shaqiri, Liverpool
Djibril Sow, Frankfurt
Ruben Vargas, Augsburg
Granit Xhaka, Arsenal
Denis Zakaria, Mönchengladbach
Steven Zuber, Frankfurt
Áleyparar:
Breel Embolo, Mönchengladbach
Mario Gavranović, Dinamo Zagreb
Haris Seferović, Benfica