Valið 8. desembur eigur at vera eitt feministiskt val. Hetta snýr seg bæð um umstøðurnar hjá kvinnum, og um rættindi hjá kvinnum. Kvinnur hava ikki fingið nóg góðan lut í tí framburði, sum hevur verið seinastu árini, og tað at kvinnur ikki hava ræði á egnum kroppi, hoyrir onganstaðni heima.
Sjálvandi skulu kvinnur vera í øllum politiskum avgerðum og ikki minst í landstýrinum. Men Javnstøða er eisini meira enn tað – javnstøða er, at allar kvinnur í landinum fáa møguleika at skapa sær eitt gott og virðiligt lív út frá egnum fortreytum og egnum ynskjum.
Kvinnur forvinna minni enn menn, og eru í størri vanda fyri at enda í fátækraváða enn menn.
At støðan hjá kvinnum er soleiðis, er, tí avgerðir eru tiknar í politisku skipanini, sum ikki gagna kvinnum nóg væl, og tí man ikki í nóg stóran mun viðurkennur trupulleikan.
59,8% av einligum kvinnum, sum hava eitt barn undir 5 ár, eru í fátækraváða. Hetta ber boð um eitt samfelag, har tað er kynið, sum avgerð, hvussu tíni livikor eru. Tað eiga og skulu vit gera nakað við!
Kvinnur í Føroyum hava heldur ikki fult ræði á egnum kroppi, tað eiga vit at broyta, sum nakað av tí fyrsta eftir løgtingsvalið, so allar kvinnur í Føroyum hava atgongd til eina trygga abort.
Vilt tú gera Føroyar betur fyri kvinnur – so vel eina feministiska, reyða, grøna og litríka rødd á løgting
Makeup your mind við Elisu Vang:
X við Pól Jóhannus Toftegaard Larsen, Tjóðveldi
