Vilhelm Poulsen gjørdist aftur toppskjútti, hesaferð við seks málum og Rógvi Dal-Christiansen skoraði tvey mál tá lið teirra, Fram vann ein tepran 24-23 sigur á Gróttu á útivølli í kvøld.
Í steðginum var Fram á odda 14-12. Grótta javnaði til 14-14, og so fylgdust liðini til dystarenda har tað eydnaðist Fram at skora sigursmálið stutt undan dystarloki.
Vilhelm Poulsen hevur skotið heili 26 mál fyri Fram í trimum teimum fyrstu dystunum í bestu íslendsku hondbóltsdeildini hetta kappingarárið.
Komandi leygardag tekur Fram móti HK á heimavølli.
| Nummar | Lið: | Dystir | Vunnir | Javnir | Taptir | Stig | |
|---|---|---|---|---|---|---|---|
| 1 | ÍBV | 3 | 3 | 0 | 0 | 6 | |
| 2 | Haukar | 3 | 2 | 1 | 0 | 5 | |
| 3 | Valur | 2 | 2 | 0 | 0 | 4 | |
| 4 | Fram | 3 | 2 | 0 | 1 | 4 | |
| 5 | KA | 3 | 2 | 0 | 1 | 4 | |
| 6 | FH | 4 | 2 | 0 | 2 | 4 | |
| 7 | Afturelding | 3 | 1 | 1 | 1 | 3 | |
| 8 | Stjarnan | 1 | 1 | 0 | 0 | 2 | |
| 9 | Selfoss | 4 | 1 | 0 | 3 | 2 | |
| 10 | Grótta | 3 | 0 | 0 | 3 | 0 | |
| 11 | HK | 2 | 0 | 0 | 2 | 0 | |
| 12 | Víkingur | 3 | 0 | 0 | 3 | 0 |
