Eitt russisk álop á Ukraina nærindis markinum til Póllands hevur elvt til, at 370.000 fólk eru í streymloysi í Volyn-økinum.
Pólsk stríðsflogfør vórðu send á veingirnar undir russiska álopinum fyri at verja pólskt loftrúm.
Tað siga pólsku hernaðarmyndugleikarnar á X, fyrrverand Twitter.
Men, russar hava ikki bara lopið á ukrainska Volyn-økinum.
Eitt russiskt dronuálop á býin, Kharkiv, sum er næst størsti býur í Ukraina, hevur dripið trý sivilfólk, umframt at fleiri fingu løstir.
Russar hava eisini lopið á ein íbúðarbygning í ukrainska býnum, Uman, sum liggur miðskeiðis í landinum.
Í russiska verjumálaráðnum verður sagt, at lopið hevur eisini verið á mál í ukrainska svartahavsbýnum, Odessa.
- Hetta er tó ikki váttað av ukrainskum myndugleikum, vita útlendskir miðlar at siga í dag.
