- Í løtuni eru øll partrolarapørini til fiskiskap. Tey fiska upsa og annan hvítfisk, men skipini hava smáligan fiskiskap.

Tað vita tey á Fiskamarknaði Føroya at siga í morgun.

Um djúpvatnstrolararnar verður sagt, at tveir ísfiskatrolarar eru eystanfyri og fiska svartkalva og annan djúpvatnsfisk.

Haraftrat er ein frystitrolari eisini til fiskiskap.

Á Fiskamarknaði Føroya vita tey at siga, at allir teir smáu trolbátarnir liggja.

- Trý garnaskip fiska svartkalva. Skipini hava brúkiligan fiskiskap, og øll koma inn at landa í næstu viku, verður lagt aftrat.