info
Ongi úrslit

Ætla at leingja bryggjuna hjá Norrønu í Seyðisfirði

Íslendska kommunan Múlaþing ætlar at gera stórar íløgur í havnirnar næsta ár. Millum verkætlanirnar er at leingja Strandarbakka í Seyðisfirði, har Norrøna hjá Smyril Line leggur at.

Eirikur Lindenskov
16. november 2026 kl. 10:43

Bryggjan í Seyðisfirði, har føroyska ferðamannaskipið Norrøna leggur at, skal eftir ætlan leingjast.

Tað sæst í uppskotinum til fíggjarætlan hjá íslendsku kommununi Múlaþing fyri 2027, sum kommunustýrið hevði til fyrstu viðgerð 11. november.

Kommunan ætlar at brúka 400 milliónir íslendskar krónur netto til havnirnar í 2027. Tað svarar til 21,9 mió. kr. í okkara pengum. Ein av verkætlanunum er leingingin av Strandarbakka í Seyðisfirði, sum ætlanin er at fara undir næsta ár.

Í einari eldri íløguætlan hjá kommununi er samlaði kostnaðurin fyri leingingina mettur til 500 milliónir íslendskar krónur, sum í okkara pengum er 27,4 milliónir krónur. Av hesum skuldu 175 milliónir (9,6 mió kr) fíggjast av havnini sjálvari og 325 milliónir (17,8 mió kr) við stuðli og øðrum ískoytum.

Enn er tó ikki greitt, um henda kostnaðarmetingin framvegis er galdandi.

Stórar íløgur í kommununi

Morgunblaðið skrivar, at Múlaþing væntar eitt rakstraravlop upp á 566 milliónir íslendskar krónur næsta ár (31 mió kr).

Samlaðu nettoíløgurnar hjá kommununi verða eftir ætlan 1,64 milliardir íslendskar krónur (89,7 mió kr) í 2027 og 6,4 milliardir krónur (350 mió kr) árini 2027 til 2030.

Umframt havnaútbyggingina í Seyðisfirði eru millum annað íløgur í skúlan í býnum, ábøtur á bygningar og verjutiltøk móti skriðulopi.

Týdningur fyri Norrønu

Seyðisfjörður er íslendska havnin hjá Norrønu, sum siglir millum Føroyar, Ísland og Danmark.

Tí hevur útbyggingin av Strandarbakka eisini føroyskan áhuga.

Í fíggjarætlanini verður tó ikki nærri greitt frá, hvussu nógv bryggjan skal leingjast, ella hvørjar ítøkiligar broytingar útbyggingin fer at hava fyri Norrønu og farmaflutningin hjá Smyril Line.

Fíggjarætlanin er fyribils bara viðgjørd eina ferð í kommunustýrinum. Onnur og endaliga viðgerðin er ásett til 9. desember.

Sostatt er útbyggingin enn treytað av endaligu góðkenningini av fíggjarætlanini.

Keldur: Morgunblaðið og Múlaþing.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Aksel ger útlendskt øl dýrari

9. november kl. 23:20

Løgmaður takkað nei til at hitta Zelenskyj

10. november kl. 13:35

Sosialurin hevur nú sítt egna »Tíðarrit«

17 tímar síðan

Nýggj nevnd í Læknafelag Føroya

11. november kl. 13:05

Fleiri tíðindi

Tíðindi

Løgtingið skal við­gera sjúkra­dag­peng­ar, fam­ilju­í­skoyti og skatt í dag

1 tími síðan
Ítróttur

Borðtennis: 42 leikarar kappaðust á Hálsi

1 tími síðan
Fótbóltur

Hava ein sigur, tríggjar javnleikir og eitt tap móti Moldova

1 tími síðan
Tíðindi

Fimm mentan­ar­fel­øg á fund við Fíggjar­nevnd­ina í dag

1 tími síðan
Tíðindi

76 milliónir krónur til gransking í kvinnuheilsu

2 tímar síðan
Ítróttur

Høgni vinnur alt

2 tímar síðan
Tíðindi

Føroyingar mest virkn­ir á ar­beiðs­markn­að­i­num í Evropa

2 tímar síðan
Tíðindi

Løgreglan fer at kanna flytingar í PlayStation-málinum

3 tímar síðan
Hondbóltur

Bergsøy tapti greitt fyri triðaftasta liðnum

3 tímar síðan
Fótbóltur

Nations League: Føroyar hava favorittstøðuna móti Moldova

4 tímar síðan
Fótbóltur

VIDEO: Drúgv samrøða við David Geza Turi

10 tímar síðan
Fótbóltur

Landsliðs­venjar­in: Ein sera týð­andi dyst­ur við bara ein­um vinnara

10 tímar síðan