Áki D. Samuelsen spældi allan seinna hálvleik, og Martin Agnarsson var á vøllinum seinasta hálva tíman, tá lið teirra, Mjällby leikti á útivølli javnt 0-0 móti Brommapojkarna.
Undan dagsins dysti var greitt, at Mjällby hevur bjargað plássinum í Allsvenskuni. Mjällby sum hevur 28 stig á 12. plássinum endar antin á 12. ella 13. plássinum í Allsvenskuni.
Tað verður fokus hjá Mjällby nú at vinna seg víðari úr deildarspælinum í Conference League, har teir í løtuni hava sjey stig fyri tríggjar dystir.
Nú fara Áki og Martin at hugsavna seg um uppgávurnar í Nations League, har Føroyar møta Slovakia á útivølli komandi fríggjakvøld klokkan 19.45, og tríggjar dagar seinni á Tórsvølli móti Moldova.
