Tað gekk akkurát hjá liðnum hjá David Geza Turi, Grimsby Town at vinna seg víðari til annað høvuðsumfarið í FA Cup steypakappingini.
Grimsby, ið spælir í fjórðbestu ensku fótbóltsdeildini, League Two hevði eitt tungt hoyggj á útivølli móti Stafford, ið spælir í sættubestu ensku fótbóltsdeildini.
Stafford legði seg á odda longu í triðja minutti av dystinum, og beint undan steðginum øktu teir til 2-0. Í seinna hálvleiki vaknaði Grimsby, og Harvey Rodgers í 74. minutti og Maldini Kacurri í 76. minutti syrgdu fyri, at Grimsby slapp til longda leiktíð.
Tað gingu bert tríggir minuttir av longdu leiktíðini, so legði heimaliðið seg á odda 3-2. Men í 105. minutti fintaði Geza verjuna hjá Stafford, og setti bóltin framvið málverjanum, og bjargaði harvið Grimsby møguleikan at sleppa til brotssparkskapping.
Grimsby skoraði upp á trý av fýra brotsspørk, meðan heimaliðið sum vóru fyrstir at skjóta brendu trý av fimm brotsspørkum. Geza var ikki millum brotssparksskjúttarnar.
Tað stóð á gomlum nøglum, men Geza og liðfelagarnir komu upp á turt.
Sambært Sofascore var Geza besti leikarin á vøllinum. Fyri leikliga avrikið fær hann toppkarakterin 8,8 (av 10 møguligum).
