Aftaná eina haltandi kappingarbyrjan hava Andrias Edmundsson og liðfelagarnir í Hellas Verona stabilisera seg, og eru teir ósigraðir í fimm teimum seinastu dystunum í Seriu B.
Í dag gjørdist talan um javnleik 0-0 á útivølli móti fjórðfremsta liðnum, Mantova.
Liðini høvdu bóltin líka nógv, men Hellas Verona hevði fleiri royndir á málið hjá mótstøðuliðnum.
Fyri leikliga avrikið í dag fær Andrias karakterirnar: 7,2 frá Flashscore og 7,1 (av 10 møguligum) frá Sofascore.
Hellas Verona er nummar fimm í deildini við 16 stigum. Teir eru fýra stig frá Ascoli, ið er á øðrum plássinum sum gevur beinleiðis uppflyting til Seriu A við lokna kapping. Liðini sum enda á endastøðunum millum nummar trý og átta spæla Play Off dystir um uppflyting.
Nú fer Andrias at fokusera upp á landsliðsuppgávurnar í Nations League móti Slovakia á útivølli komandi fríggjakvøld klokkan 19.45, og tríggjar dagar seinni á heimavølli móti Moldova.
