Altjóða kjarnorkustovnurin IAEA veit í kvøld at siga, at størsta kjarnorkuverk í Evropa, Zaporizjzja í Ukraina, nú hevur fingið eksterna streymin aftur.
Í morgun segði stovnurin, at verkið hevði mist streymin, men at nóg mikið var av olju á verkinum til at hava dieseldrivnar generatorar koyrandi í einar tvær vikur, soleiðis at reaktorarnir kundu kølast niður.
Men, nú er so eksterni streymurin komin aftur, sigur IAEA í kvøld, og tað er tíðindastovan NTB, sum endurgevur.
Russiski herurin tók stóra kjarnorkuverkið Zaporizjzja lutfalsliga stutt eftir, at herurin hevði gjørt innrás, men russar hava ongantíð megnað at tikin býin, Zaporizjzja, sum liggur einar 40-50 kilometar haðani.
