Væntaði spenningurin útibleiv í dystinum millum Neistan og Stjørnuna í høllini á Hálsi Norður. Stjørnan vann stórsigur 35-24 á Neistanum. Í steðginum vóru klaksvíkskvinnur greitt á odda 20-12.

Við fimm málum var Eivør í Stórustovu toppskjútti hjá Neistanum. Mina Sirdal Henriksen var við 11 málum toppskjútti hjá Stjørnuni.

Í høllini á Hálsi Suður var eisini stórur munur. Har vann H71 stórsigur 39-26 á Kyndli. Í steðginum vóru hoyvíkskvinnur á odda 19-12.

Við níggju málum var Bára Krossteig Hansen toppskjútti hjá Kyndli. Toppskjútti hjá H71 við 10 málum var Maria H. Weyhe.

H71 er fremst við 14 stigum, og Stjørnan er næstfremst við 12 stigum. Neistin hevur 11 stig og VÍF og EB hava 10 stig hvør. StÍF er næstaftast við trimum stigum, og Kyndil er aftast við tveimum stigum.

HER ber til frá HSF at síggja dómaraseðlarnar frá dagsins dystum í SMS-deildini: