Kvinnurnar hjá VÍF taptu greitt í seinnu sekstandapartsfinaluni í European Cup móti slovakiska liðnum, HK Slovan Duslo Sala.
Hesaferð gjørdist talan um 36-26 sigur til Sala, ið vann fyrra dystin 29-24 (18-13). Talan gjørdist sostatt um ein samlaðan 65-50 sigur til Sala.
VÍF avrikaðu tó væl í fyrra hálvleiki í seinna dystinum. Í steðginum var støðan javnleikur 16-16, men í seinna hálvleiki gekk av skriðuni.
HK Slovan Duslo Sala-VÍF 36-26 (16-16) - European Cup. HK Slovan Duslo Sala vinnur samantalt 65-50.
Málskjúttar: Ingibjørg Olsen 7, Rakul Borgarlíð Joensen 5, Lív S. Poulsen 4, Mille Sophie P. Hingebjerg 4, Durita C. Jojic 2, Simone T. Kristiansen 2, Bára í Innistovu 1, Sára Lagos 1.
