Tað skrivar Heilsu- og orkumálaráðið í tíðindaskrivi í morgun.

Raðfestingin skal økja serlæknorkuna og styrkja støðufestið í vaktarviðurskiftunum. Hetta hevur týdning á einum øki, har bráðstøður kunnu taka seg upp, eitt nú í sambandi við føðingar og keisaraskurðir. 

Bæði barnsburðarøkið og narkosuøkið eru týdningarmikil og viðbrekin øki, har ein vælvirkandi bráðtilbúgving hevur stóran týdning. Við hesi raðfestingini styrkja vit serlæknorkuna og geva Landssjúkrahúsinum betri møguleikar at tryggja støðufesti í vaktarviðurskiftunum.

Eyðdis Hartmann Niclasen, landsstýriskvinna í heilsu- og orkumálum

– Landssjúkrahúsið hevur víst á, at økið er tunt mannað við serlæknum, og at vaktarbyrðan tí kann vera stór. Fleiri serlæknatímar kunnu minka um vaktarbyrðuna og geva betri framhald í arbeiðinum á økinum.

Raðfestingin verður sett í verk í 2027.