Tað var beint fyri klokkan hálvgum átta gjáramorgunin, at ein spildurnýggur elruskbilur hjá Landleiðini av einhvørjari orsøk fór á rull mannleysur oman gjøgnum Rosságøtu á Argjum. Hann stóð uttan fyri eitt av ovastu húsunum í gøtuni, tá hann fór á rull.
Bilurin rullaði einar 80 metrar oman brekkuna, har hann fór gjøgnum tveir garðar og rakti næstniðastu húsini í gøtuni, har hann steðgaði í urtagarðinum. Á vegnum breyt hann tríggjar betonggarðar fyri sær og skaddi ein bil, sum stóð parkeraður inni á privatum øki.
Myndir: Ruskbilurin lyftur úr urtagarði á Argjum
Tað tók drúgva tíð at fáa bilin útaftur. Arbeitt varð við uppgávuni í nakrar tímar seinnapartin í gjár, og um 18 tíðina stóð bilurin á einum blokkvogni, so hann kundi flytast niðan á Aktstovuna, har hann skal kannast.
