Silja G. Eystberg, Vár og Lív Zachariasen og liðfelagarnir í Ajax vunnu fyrr í dag annan dystin á rað í næstbestu donsku hondbóltsdeildini.

Á heimavølli í Bavnehøj Arena vann Ajax greiðan 30-23 sigur á AGF. Tað var ikki líka flótandi hjá Ajax í fyrra hálvleiki. Í steðginum var støðan 13-12 til heimaliðið.

Silja skoraði tvey mál og Lív skoraði eitt mál.

Ajax hevur seks stig fyri fýra dystir.

Rannvá Olsen og liðfelagarnir í Ejstrup/Hærvejen hava enn fyrsta stigið til góðar aftaná fýra leiktar dystir.

Í dag tapti Ejstrup/Hærvejen á útivølli 25-30 (16-15) fyri GOG. Rannvá var noterað fyri eitt mál.